আসামবিলাসিনীৰ প্ৰকাশ বন্ধ হোৱাত প্ৰতিক্ৰিয়া প্ৰকাশ কৰি অসমৰ প্ৰতিথযশা সাহিত্যিক ডিম্বেশ্বৰ নেওগ দেৱে (অসমীয়া সাহিত্যৰ বুৰঞ্জী , ১৯৩৭)গুৰুত্বপূৰ্ণ মন্তব্য কৰি লিখিছিল " এই কাকত পৰম বৈষ্ণৱ সু পণ্ডিত ঁদত্তদেৱ গোস্বামীৰ এটা সুকীৰ্তি । তথাপি ইয়াৰ বাক্য বিন্যাস প্ৰণালী আৰু প্ৰৱন্ধ বাছনি আদিয়ে সৰ্বসাধাৰণ ঘাইকৈ ডেকাতৰপৰ মনত সন্তোষ দিব পৰা নাছিল ।আৰু ব্যক্তিগত আক্ৰমণৰ প্ৰৱন্ধই ঠাই পোৱাত বয়সীয়াল সকলৰ মনতো এই কাকতে প্ৰতিকুষাৰিয়ে ঠাই পাইছিল ।গতিকে এই কাকতে স্বভাৱতে পৰবৰ্তী " আসাম নিউজ '' আদিলৈ  ঠাই এৰি দিব লগা হৈছিল ''। ৰসৰাজ বেজবৰুৱাই "আসামবিলাসিনী ''ৰ সন্দৰ্ভত তেখেতৰ আত্মজীৱনী মোৰ জীৱন সোঁৱৰণত (পৃষ্ঠা ৭২)

  এই বুলি লিখিছিল " হেমচন্দ্ৰ বৰুৱাৰ কাপৰ গুণত "আসাম নিউজ '' এ অতি শীঘ্ৰে ওখঠাই অধিকাৰ কৰিলে ।আউনীআটী সত্ৰৰ অধিকাৰ অশেষ গুণসম্পন্ন প্ৰগাঢ় পণ্ডিত পৰম বৈষ্ণৱ দত্ত দেৱ

পুৰুষৰ "আসামবিলাসিনী''ৰ বাক্য বিন্যাস প্ৰণালী , বিষয় নিৰ্বাচন আদি কৰ্মই উঠি অহা শিক্ষিত ডেকাতৰপৰ মন জয় কৰিছিল বুলি ক'ব নোৱাৰি । তাত অনেক সময়ত ব্যক্তিগত আক্ৰমনে ঠাই পোৱাত প্ৰাচীন সকলৰ মনতো যে ,সি যথোচিত সমাদৰৰ ঠাই অধিকাৰ কৰিব পাৰিছিল এনে নহয় । অন্যহাতে আউনীআটী সত্ৰৰ "ধৰ্ম প্ৰকাশ যন্ত্ৰ''ৰ পৰাই ১৮৭৬ খ্ৰীষ্টাব্দত " আসাম দীপিকা '' আৰু ১৮৮৮ খ্ৰীষ্টাব্দত " আসাম তৰা '' নামৰ দুখন  আলোচনীৰ উপৰি আন আন গ্ৰন্থও প্ৰকাশ হৈছিল ।"আসামবিলাসিনী''ত ধৰ্মীয় বিষয়ৰ লিখনি প্ৰকাশ হোৱাৰ সমান্তৰালকৈ জ্ঞান বিজ্ঞানকে আদি কৰি বিভিন্ন ধৰণৰ লেখা আৰু বাতৰিৰ উপৰি বিজ্ঞাপনো প্ৰকাশ পাইছিল । অসমৰ সু সাহিত্যিক ভোলানাথ দাস , লম্বোদৰ বৰা আদি সাহিত্যিক সকলৰ লেখাই সংবাদ পত্ৰ খনত সোণত সুৱগা চৰাইছিল । অতি পৰিতাপৰ বিষয় "আসামবিলাসিনী ''ৰ এটা সংখ্যাও অসমত সংৰক্ষিত নহ'ল । মাত্ৰ এটা সংখ্যা লণ্ডনৰ ব্ৰিটিছ

মিউজিয়ামত সংৰক্ষিত হৈ আছে । "আসামবিলাসিনী''ৰ বন্ধ যি কাৰণতেই নহওক কিয় সেই সময়ৰ বঙলা ভাষাৰ বহুল প্ৰচলন আৰু "অৰুনোদইৰদই ''ৰ আমেৰিকান মিছনেৰিৰ দ্বাৰা  ব্যৱহৃত ভাষাৰ পৰিবৰ্তে থলুৱা প্ৰচলিত ভাষাৰ ব্যৱহাৰেৰে অসমীয়া জাতিক মূলৰ ওচৰ চপাই নিয়াৰ ক্ষেত্ৰত "আসামবিলাসিনী''য়ে এক গুৰুত্বপূৰ্ণ ভূমিকা গ্ৰহণ কৰিছিল ।  উল্লেখযোগ্য যে মাজুলীৰ সত্ৰ সমূহত অতিতৰে পৰা সাহিত্য চৰ্চাৰ কেন্দ্ৰ আছিল সেই কথা "আসামবিলাসিনীয়ে''ই প্ৰমাণ কৰে । আসামবিলাসিনী প্ৰকাশ কৰি সত্ৰাধিকাৰ দত্ত দেৱ গোশ্বামীয়ে যি আদৰ্শ দাঙি ধৰিলে সেইয়া অসমীয়া ভাষা সাহিত্য আৰু সংবাদ জগতক সদায় উজ্জীৱিত কৰি ৰাখিব । 

 

বি: দ্ৰ : সহায়ক গ্ৰন্থ 

১/ বেজবৰুৱাৰ আত্মজীৱনী ,মোৰ জীৱন সোঁৱৰণ 

২/ডিম্বেশ্বৰ নেওগৰ অসমীয়া সাহিত্যৰ বুৰঞ্জী , ১৯৩৭

৩ / মাজুলী মহকুমা সাংবাদিক সন্থা ৰূপালী জয়ন্তী উৎসৱৰ স্মাৰক গ্ৰন্থ , নিৰীক্ষণ , সম্পাদক অমৰজ্যোতি বৰা ।